Sabirabad regional "ASAN xidmət" mərkəzinin fəaliyyəti ilə bağlı məlumatlar

Sabirabad regional “ASAN xidmət” mərkəzinə fəaliyyətə başladığı gündən indiyə qədər 2 milyona yaxın vətəndaş müraciəti qeydə alınıb.

Mərkəz Sabirabad rayonu ilə bərabər Neftçala, Biləsuvar, Saatlı, İmişli, Kürdəmir, Hacıqabul, Şirvan, Salyan, Beyləqan və Füzuli rayonlarında qeydiyyatda olan vətəndaşlarla yanaşı, ölkə üzrə ərazi məhdudiyyəti olmadan xidmət göstərir.

Ay ərzində mərkəzdə 20-25 nəfər könüllü çalışır. Mərkəzin fəaliyyətə başladığı müddətdən bu günə qədər ümumilikdə 2 minə yaxın könüllü məzun olub.

Hazırda “ASAN xidmət” mərkəzlərində müxtəlif dövlət orqanları, həmçinin özəl şirkət və müəssisələr tərəfindən ümumilikdə 400-dən çox xidmət göstərilir.

Xatırladaq ki, Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Sabirabad regional “ASAN xidmət” mərkəzinin açılışı Prezident İlham Əliyevin iştirakı ilə 15 dekabr 2014-cü il tarixində baş tutub.