Şabranda qara camış ağ bala dünyaya gətirdi

Şabranda ağ camış balası doğulub.

Rayonun Hacıqaraqaşlı kəndində yaşayan Sehran Əliyevin təsərrüfatında doğulan camış balası təsərrüfat sahibini təəccübləndirib. Uzun illərdir heyvandarlıqla məşğul olan fermer ilk dəfə camışın ağ bala doğduğunun şahidi olub.

Mütəxəssislər də bildirirlər ki, camışların ağ rəngli bala doğması nadir hal sayılır. Bu heyvanlar albinos camışları adlandırılır və günəşə qarşı daha həssasdırlar.

Qeyd edək ki, Şimal bölgəsində 5 minə yaxın camış saxlanılır və bu heyvanların hamısı qara rəngdədir. Qara heyvanın ağ bala dünyaya gətirməsi halına bölgədə 20 ildə ilk dəfədir rast gəlinir.