Saçları hər gün yumaq... | Rusiyalı həkimdən xəbərdarlıq

Baş dərisinin intensiv masajı, hər gün saç yuma, aqressiv tərkibli maskalar, dəsmalla düzgün qurutmama, fendən çox istifadə və digər bu kimi vərdişlər saçların vəziyyətini pisləşdirən amillərdir.

Bu barədə rusiyalı həkim Mariya Kızımko xəbərdarlıq edib.

Onun sözlərinə görə, tez-tez yuma saçları təbii nəmləndirici komponentlərdən məhrum edir, onları quru və kövrək edir. Aqressiv şampunlar isə baş dərisini qıcıqlandıra bilər. Ən optimalı saçları həftədə 2-3 dəfə sulfatsız yumşaq şampunlardan istifadə edərək yumaqdır.

O əlavə edib ki, soğan, sarımsaq və xardal kimi maskalar tez-tez qıcıqlanma, allergiya və hətta yanıqlara səbəb olur. Minoksidil kimi güclü tökülmə əleyhinə vasitələrin müstəqil istifadəsi problemi daha da ağırlaşdıra bilər.

Həkimin fikrincə, həddindən artıq enerjili daranma, masaj saç köklərini zədələyə və iltihablanmaya gətirib çıxara bilər. Yuyunma zamanı barmaq ucları ilə yüngül masaj və ya xüsusi fırçalardan istifadə daha faydalıdır. Lakin onlarla da ehtiyatlı olmaq tövsiyə olunur.

Həkim həmçinin bildirib ki, saç uclarında qırıqlar varsa, kəsilməlidir, əks halda bu, saçın quruluşunu zəiflədir, onu kövrək edir və daha çox qırılmağa gətirib çıxarır.