Şahdağ Milli Parkında 4 zubr balası doğulub

Şahdağ Milli Parkının İsmayıllı bölməsinə mediatur təşkil olunub.

Mediatur çərçivəsində bildirilib ki, 2010-cu ildən etibarən ölkəmizdə bir sıra həssas, sayı azalmaqda olan növlərin reimtroduksiyasi layihələrinə başlanıb və ötən müddət ərzində Şirvan Milli Parkından tutulan ümumilikdə 346 baş ceyran ölkənin müxtəlif ərazilərinə köçürülüb.

Həmçinin qeyd edilib ki, 2019-cu ildən etibarən Şahdağ Milli Parkının İsmayıllı bölməsinə Fransa, Belçika və Almaniyadan 36 baş Avropa zubru gətirilib. Son 2 həftə ərzində isə 4 zubr balası doğulub ki, bununla da onların ümumi sayı 45-ə çatıb.