Pleyeri seçin:
Sahildə ev tikənlərə xəbərdarlıq: Ciddi təhlükə var? - “Xəzərin məkanına girmək olmaz” - Baku TV
Son illər Xəzər dənizinin səviyyəsində azalma müşahidə olunur.
Coğrafiya elmləri doktoru Əmir Əliyev bildirib ki, Xəzər dənizində suyun artıb-azalması onun “həyatının” əsas göstəricisidir.
Onun sözlərinə görə, Xəzər dənizinin su balansı əsasən daxil olan və çıxan suların nisbətindən asılıdır. Dənizə daxil olan suyun təxminən 80%-i çaylar və yerüstü axınlar, həmçinin yağıntılar və yeraltı sular hesabına formalaşır. Çıxış isə daha çox buxarlanma hesabınadır.
Mütəxəssislər qeyd edirlər ki, Xəzər dənizində suyun artıb-azalması təxminən 200 ildən bir baş verir və son illər azalma daha çox müşahidə olunur. Bunun isə təxminən 2050-ci ilə qədər davam edəcəyi gözlənilir. Həmin tarixdən sonra isə prosesin əksini müşahidə edə bilərik.
Əmir Əliyev dənizin sahilində ev və ya hər hansı obyekt tikənlərə suyun səviyyəsinin artıb-azalmasını nəzərə almağı məsləhət görür. Çünki həmin tikililər bir müddət sonra su altında qala bilər.
Kopyalandı
Seçilmişlər
