Sakinlər kömək istəyir | Oğuzun 30 ildir bağçasız qalan kəndləri

Oğuzun Top və Zərrab kəndlərində sovet dönəmindən sonra uşaq bağçası olmayıb.

1000 nəfərdən artıq sakini olan qonşu kəndlərin sakinləri bildirir ki, dəfələrlə edilən müraciətləri cavabsız qalıb.

“Camaat kosmosa gedir, bizim kənddə bağça yoxdur. Bu uşaqlar bağçanı ancaq televizorda görür”, – deyə sakin qeyd edib.

Məsələ ilə bağlı Şəki-Zaqatala Regional Təhsil İdarəsindən bildirildi ki, Top və Zərrab kəndlərində 2019-2022-ci il təvəllüdlü uşaqların sayı 23 nəfərdir. Maddi-texniki baza formalaşdıqdan sonra həmin kəndlərdə də məktəbəqədər təhsilin fəaliyyətinin təşkili təmin etdiriləcək.