Səhər yeməyinə əlavə edəcəyiniz qidaların siyahısı | Diyetoloqdan mühüm açıqlama

Sağlam səhər yeməyi mütləq üç növ qidadan ibarət olmalıdır: meyvə, tam taxıl və süd məhsulları.

Bu haqda britaniyalı diyetoloq Paula Martin “İnstyle” nəşrinə müsahibəsində danışıb.

Həkim xatırladıb ki, oyandıqdan dərhal sonra yemək yemək lazım deyil. Bu, səhər idmanından sonra məqsədəuyğundur.

Doktor Paulanın sözlərinə görə, səhər yeməyində meyvə yemək vacibdir. Ancaq çox yemək yox, bir kiçik meyvə və ya böyük bir parça kifayət edəcək:

"Onların tərkibində lif var ki, bu da toxluq hissini daha uzun müddət saxlamağa kömək edir və şəkərin udulmasını tənzimləyir. O həmçinin C vitamini, fol turşusu və antioksidantların əla mənbəyidir. Meyvələr maddələr mübadiləsini tarazlaşdırmağa və bağırsaq fəaliyyətini yaxşılaşdırmağa kömək edir. Çörək, səhər yeməyi taxılları və yulaf əzməsi kimi bütün taxılları da unutmamaq lazımdır. Aşağı glisemik indeksə malik olduqları üçün bu cür qidalar iştahı idarə etməyə və qanda qlükozanın səviyyəsini sabit saxlamağa kömək edir”.

Bundan əlavə, həkim səhər menyunuza şəkər, pendir və kefir əlavə edilməmiş adi qatıq daxil etməyi tövsiyə edir. Belə qidalar tərkibindəki zülal hesabına əzələ kütləsini saxlamağa kömək edir, toxluq hissini artırır və hormonal tarazlığı qoruyur.