Şəhid Vidadi Zalovun 40 mərasimi keçirilib

Azərbaycan Ordusunun şəhid olan hərbi qulluqçusu Vidadi Zalovun 40 mərasimi keçirilib.

Abşeron rayonu Saray qəsəbəsində keçirilən mərasimdə şəhidin ailə üzvləri, yaxınları, eləcə də Müdafiə Nazirliyinin və Abşeron Rayon İcra Hakimiyyətinin nümayəndələri iştirak ediblər.

Mərasimdə bildirilib ki, gizir Vidadi Zalov 2020-ci ilin sentyabrında Ermənistan işğalı altında olan ərazilərin azad edilməsi üçün başlanan Vətən müharibəsində də iştirak edib. Laçının azadlığı uğrunda gedən döyüşlərdə xüsusilə fərqlənib. Şəxsi igidlik və şücaət nümayiş etdirdiyinə görə Prezident İlhamın Əliyevin sərəncamı ilə bir neçə medallara layiq görülüb.

Qeyd edək ki, Azərbaycan Silahlı Qüvvələrinin giziri, Vətən müharibəsi iştirakçısı gizir Vidadi Zalov aprelin 11-də Laçın rayonu istiqamətində erməni hərbi birləşmələrinin törətdiyi təxribat nəticəsində şəhid olub.