Şəhid Vüsal Orucov son mənzilə yola salındı

Kəlbəcər rayonu ərazisində Ermənistan Silahlı Qüvvələrinin törətdiyi təxribatın qurbanı olan hərbi qulluqçumuz Orucov Vüsal Xeybalı oğlunun cənazəsi doğulub boya-başa çatdığı Qusar rayonunun Suvacal kəndinə gətirilib.

Qeyd edək ki, sentyabrın 30-u günorta saatlarında Ermənistan Silahlı Qüvvələrinin Basarkeçər rayonunun Zərkənd yaşayış məntəqəsi istiqamətindəki mövqeyindən Azərbaycan Ordusunun Kəlbəcər rayonunun Aşağı Ayrım yaşayış məntəqəsi istiqamətində yerləşən mövqeyinə snayper silahından atəş açılıb. Nəticəsində hərbi qulluqçumuz Vüsal Orucov şəhid olub.