Sentyabr döyüşlərində həyatını itirən Sadiq Əzizli

Sentyabr döyüşlərində şəhid olan Sadiq Əzizlinin doğum günüdür.

Sadiq Zaur oğlu Əzizli 13 mart 2003-cü ildə Bakı şəhərində anadan olub. 2022-ci il sentyabrın 12-dən 13-nə keçən gecə Ermənistan Silahlı Qüvvələrinin Kəlbəcər rayonu istiqamətində Azərbaycan Ordusuna qarşı törətdiyi təxribat nəticəsində şəhid olub.

Şəhid anası Elnurə Əzizova bildirib ki, Sadiqin şəhid olmaq arzusu olub: “Dostları ilə danışarkən deyib ki, qayıtmağıma az qalıb, şəhid ola bilmədim. Ürəyində şəhid olmaq arzusu var imiş. Allah o günü ona qismət etdi”.

Şəhid Sadiq Əzizli “Vətənə xidmətə görə” ordeni və “Vətən uğrunda” medalı ilə təltif edilib.