Pleyeri seçin:
Sentyabrın 22-də Azərbaycanda gözlənilən hava şəraiti
Bakıda və Abşeron yarımadasında sentyabrın 22-də hava şəraitinin dəyişkən buludlu olacağı, arabir tutulacağı gözlənilir.
Bu barədə Milli Hidrometeorologiya Xidmətindən məlumat verilib.
Bildirilib ki, günün birinci yarısında bəzi yerlərdə qısamüddətli yağış yağacağı ehtimalı var. Mülayim şimal-qərb küləyi gündüz şimal-şərq küləyi ilə əvəz olunacaq. Havanın maksimal temperaturu 19-22 dərəcə isti olacaq.
Bölgələrdə də bəzi yerlərdə yağıntılı hava şəraiti davam edəcək. Şimşək çaxacaq. Ayrı-ayrı yerlərdə yağıntının leysan xarakterli intensiv olacağı, dolu düşəcəyi, yüksək dağlıq ərazilərdə isə qar yağacağı ehtimal olunur.
Sentyabrın 22-si gündüz saatlarından yağıntılar tədricən kəsiləcək. 23-də əksər rayonlarda əsasən yağmursuz hava şəraiti müşahidə olunacaq. Havanın maksimal temperaturu Aran rayonlarında 18-23, dağlıq ərazilərdə isə 5-10 dərəcə isti olacaq.
Kopyalandı
#Milli Hidrometeorologiya Xidməti teqi istifadə olunub
Seçilmişlər
