Pleyeri seçin:
Sentyabrın son günlərinin havası | Vacib məlumat
Ölkə ərazisinin bəzi yerlərində 27-28 sentyabr tarixlərində yağıntılı hava şəraiti qeydə alınıb.
Milli Hidrometeorologiya Xidmətindən verilən məlumata görə, yağan yağıntının miqdarı Astarada 57, Lənkəranda 52, Lerikdə 29 millimetrədək olub.
Sentyabrın 28-i Zaqatala rayonu ərazisindən axan Talaçaydan sel keçib. Daşkəsən, Gədəbəy, Göygöl, Qax (Sarıbaş), Balakən, Zaqatala, Şəki, Şamaxı, Altıağac (Xızı), Qrız, Qusarda duman müşahidə olunub.
Sentyabrın 29-u və 30-da isə Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Ayın 30-u axşam saatlarında şimal-qərb küləyi arabir güclənəcək. Havanın maksimal temperaturu 18-22 dərəcə isti olacaq.
Bölgələrdə də havanın əsasən yağmursuz keçəcəyi, lakin bəzi ərazilərdə arabir yağış yağacağı ehtimalı var. Havanın maksimal temperaturu Aran rayonlarında 19-24, dağlıq ərazilərdə isə 10-15 dərəcə isti olacaq.
Kopyalandı
#Hava proqnozu teqi istifadə olunub
Seçilmişlər
