Sərnişindaşıma ilə bağlı hansı yeniliklər olacaq? | Səfər etmək istəyənlərin diqqətinə!

“Noyabrın 1-dən dinamik tarif siyasətinə keçilib. Statistikaya əsasən, sərnişinlərimizin 50 faizi biletlərini səfərlərinə 3-10 gün qalmış, 20 faizi isə son 3 gün qalmış əldə edirlər”.

Bunu jurnalistlərə açıqlamasında “Azərbaycan Dəmir Yolları” QSC-nin rəhbəri Rövşən Rüstəmov bildirib.

“70 faiz sərnişinimiz yalnız son 10 gündə səfərlərini planlaşdırır. Tövsiyə edərdik ki, səfərlərini öncədən planlaşdırsınlar və bizim 15 faizlik endirimimizdən faydalansınlar”, – deyə R.Rüstəmov bildirib.

O qeyd edib ki, sərnişindaşıma ilə bağlı digər yenilik isə odur ki, dəmir yolu infrastrukturuna məsafə başına ödənişlər həyata keçirilir:

“Səfər edilən məsafəyə uyğun olaraq ödəniş aparılır. SİMA ödəniş sistemi artıq bir neçə dəmir yolu stansiyasında test mərhələsindədir. Bu o deməkdir ki, yaxın günlərdə sərnişinlərimiz heç bir təmas olmadan platformalarda, turniketlərdə SİMA tanınma sistemindən istifadə edə biləcəklər”.