Pleyeri seçin:
Sertifikat önəmli deyil, amma... | Animatorlardan xüsusi lisenziya tələb olunur?
Xəbərlərimizi Google-da izləyin
Yeniliklərdən dərhal xəbərdar olun
Bu gün ad günlərin, eləcə də şənliklərin animasiya qrupunun iştirakı olmadan keçirilməsi çox nadir hallarda baş verir.
Animator sadəcə aydın nitqə, gözəl səsə və yaxşı yumor hissinə sahib olan aktyor deyil, eyni zamanda hansısa səviyyədə psixoloqdur. Çünki onlar müxtəlif xarakterdə olan uşaqları əyləndirməyi yaxşı bilirlər.
Bəs animatorların fəaliyyət göstərməsi üçün xüsusi sertifikat və ya lisenziya tələb olunurmu?
Restoran administratoru bildirib ki, onlar animatorlarla işləyən zaman lisenziya tələb etmirlər:
“Düşünürük ki, yəqin lisenziyaları var. Sosial şəbəkələrdə reklamları gedir, biz də lazım olanda baxırıq, kim münasib qiymət təklif edirsə, nömrələrini götürürük və müştəri istəyəndə onlarla əlaqə saxlayırıq”.
Hüquqşünas Vüsal Cəfərov bildirib ki, Azərbaycan qanunvericiliyində animatorlar və digər əyləncə xidmətləri göstərən şəxslərin fəaliyyəti birbaşa olaraq qanunla tənzimlənməsə də, onların fəaliyyəti bir neçə ümumi hüquqi çərçivədə həyata keçirilir:
“Bunlar əsasən vergi, istehlakçı hüquqları və digər müvafiq qaydaları əhatə edir. Sözügedən şəxslər həm fərdi sahibkar, həm də hüquqi şəxs olaraq fəaliyyət göstərə bilərlər. Bu zaman onlar mütləq qaydada vergi uçotuna alınmalıdırlar”.
Kopyalandı
Seçilmişlər
