Cəmiyyət
Pleyeri seçin:
Şəxsi axtarış və əşyaların yoxlanılması hal şahidləri olmadan aparılacaq | Mühüm dəyişiklik
Şəxsi axtarış və fiziki şəxsdə olan əşyaların yoxlanılmasına hal şahidlərinin cəlb edilməsi aradan qaldırılır.
Bu müddəa parlamentin plenar iclasında müzakirəyə çıxarılan İnzibati Xətalar Məcəlləsinə dəyişikliklər layihəsində əksini tapıb. Dəyişikliyin cəmiyyət üçün görünməyən bir çox nüansları var. Yeni dəyişiklik prosesin icra orqanları tərəfindən daha etibarlı şəkildə, vaxt itkisi olmadan həyata keçirilməsinə şərait yaradır.
İnzibati Xətalar Məcəlləsinin 92-ci maddəsinə əsasən, şəxsi axtarış və fiziki şəxsdə olan əşyaları yoxlama, nəqliyyat vasitəsinə baxış və bir sıra digər tədbirlər hal şahidlərinin iştirakı ilə həyata keçirilirdi.
Yeni dəyişikliyə görə isə hal şahidlərinin iştirakı aradan qaldırılır, proses fasiləsiz videoçəkiliş aparılmaqla icra ediləcək. Qanun layihəsi müzakirələrdən sonra səsverməyə qoyularaq üçüncü oxunuşda qəbul edilib.
Kopyalandı
Seçilmişlər
