SOCAR-dan təqdirəlayiq addım | Şirkətin şəhid və qazi əməkdaşlarının övladları üçün tədbir
Vətən müharibəsində qazanılan Zəfərin beşinci ildönümü münasibətilə Azərbaycanın Dövlət Neft Şirkəti (SOCAR) tərəfindən çox əhəmiyyətli bir tədbir təşkil olunub. Şirkətin şəhid və qazi olan əməkdaşlarının övladları üçün nəzərdə tutulan bu tədbir "Futbol Günü" adlanıb və "Neftçi" Peşəkar Futbol Klubu ilə yanaşı, qardaş Türkiyənin "Qalatasaray" futbol klubunun tərəfdaşlığı ilə reallaşıb. Günün birinci hissəsində uşaqlar "Neftçi" klubunun tarixi ilə tanış olub, baş məşqçi Samir Abbasov və futbolçularla görüşərək əyləncəli oyunlarda iştirak ediblər. Onlara xatirə hədiyyələri təqdim olunub. Tədbirin ikinci hissəsi SOCAR-ın Baş ofisində davam edib. Şirkətin Sosial Məsuliyyət Departamentinin rəisi Əsəd Məmmədov çıxış edərək, bu təşəbbüsün şəhid və qazi övladlarına göstərilən dövlət siyasətinin bir hissəsi olduğunu vurğulayıb. Sonda uşaqlara "Qalatasaray" klubunun futbolçularının xüsusi videoçarxı nümayiş etdirilib və onlara klubun formaları hədiyyə edilib.
#SOCAR teqi istifadə olunub
- SOCAR-ın İsraildə həyata keçirdiyi layihələrdən bəhs olunub - Baku TV
- 2024-cü ilə nisbətən neçə faiz dəyişir? | Qalan hissə yenidən kollektora vurulub - Baku TV
- Şirkətin təbii qaz hasilatı neçə faiz artıb? - Baku TV
- SOCAR və "ExxonMobil" arasında əməkdaşlığın vəziyyəti nəzərdən keçirilib - Baku TV
- "Kürsəngi" və "Qarabağlı" neft yataqları ilə bağlı iclasda nələr müzakirə olundu? - Baku TV
