Pleyeri seçin:
SOCAR əməkdaşları xeyirxah aksiyada fəallıq göstərib
Birinci vitse-prezident, Heydər Əliyev Fondunun prezidenti Mehriban Əliyevanın təşəbbüsü ilə başladılan “Talassemiyasız həyat naminə” proqramı çərçivəsində Dövlət Neft Şirkətinin baş ofisinin inzibati binasında növbəti qanvermə aksiyası keçirilib.
Talassemiya və hemofiliyadan əziyyət çəkən uşaqlara köməklik göstərilməsi məqsədilə könüllü olaraq “Qan ver, həyat xilas et!” devizi altında keçirilən xeyirxah aksiyada hər il olduğu kimi bu il də SOCAR əməkdaşları fəallıq göstəriblər.
Elmi-Tədqiqat Hematologiya və Transfuziologiya İnstitutunun tibb personalının iştirakı ilə həyata keçirilən aksiyada “SOCAR Tower”də çalışan əməkdaşlar qan veriblər.
Qeyd edək ki, SOCAR “Talassemiyasız həyat naminə” proqramına 2009-cu ildən qoşulub və aksiyalarda ümumilikdə şirkətin 41 min nəfərə yaxın əməkdaşı iştirak edib.
Kopyalandı
Seçilmişlər
