Soğan soyuducuda niyə tez xarab olur? | Faydalı məsləhət

Soyuducunun aşağı temperaturu soğanın daxili proseslərinə necə təsir edir?

Qida məhsullarının saxlanması üzrə ekspert Melissa Alink soğanın bütöv halda soyuducuda saxlanılmasının geniş yayılmış bir səhv olduğunu bildirir. Çoxları soyuducunu uyğun yer hesab etsə də, əslində aşağı temperatur soğanda ləngiməli olan prosesləri sürətləndirir və bu da onun daha tez xarab olmasına gətirib çıxarır.

M.Alinkin sözlərinə görə, rütubət də bu prosesi sürətləndirən əsas amillərdəndir. Nəm mühit kif və bakteriyaların çoxalması üçün əlverişli şərait yaradır. Belə mühitdə hətta ən ehtiyatlı saxlama üsulları da yetərsiz qala bilər.

Onun fikrincə, soğanı quru, qaranlıq və yaxşı havalandırılan yerdə saxlamaq lazımdır. Bu, onun torpaq altında keçirdiyi "təbiətə uyğun istirahət" dövrünü təqlid edir.

Mütəxəssis soğanın daha uzun müddət saxlanılması üçün torlu kisələrdən, məftilli səbətlərdən və ya kapron corablarından istifadə etməyi tövsiyə edir.