Soğan yeyə bilməsək də, içimiz göynəyir

Azərbaycanda soğanın ixracı dayandırılıb, idxalından isə heç bir vergi tutulmur.

Bəs bu, daxili bazarda soğanın qiymətinə təsir göstərirmi? Baku TV-nin əməkdaşı məsələni araşdırmaq üçün bazarlara üz tutub. Məlum olub ki, sözügedən məhsulun qiymətində bahalaşma müşahidə olunur.

Aqrar Tədqiqatlar Mərkəzinin direktoru Firdovsi Fikrətzadə bildirib ki, soğanın mövcud qiyməti məhsulun ixracına qadağanın qoyulması, həmçinin idxalının rüsumdan azad olunması ilə bağlı qərarın qəbul edilməsindən öncə müəyyənləşib.

İqtisadçı ekspert Eldəniz Əmirov isə qeyd edib ki, məhsulun qiymət dinamikasına nəzər salsaq, hər ilin birinci rübündə soğanın qiymətində kəskin artımlar baş verir. “Aprel ayına qədər soğanın qiyməti 2 manat ola bilər”, - deyə o əlavə edib.