Son 15 saat ərzində düşən yağıntının miqdarı nə qədər olub? | Qurumdan açıqlama

Bakıda sonuncu dəfə 1966-cı ildə rekord həddə yağıntı qeydə alınıb.

Bunu Milli Hidrometeologiya Xidmətinin rəis müavini Gülnarə Abbasova mövcud vəziyyətlə əlaqədar jurnalistlərə açıqlamasında deyib.

O bildirib ki, artıq dünən gecədən başlayaraq ölkə ərazisində qeydə alınan yağıntılı hava şəraiti 15 saatdır davam edir:

"Bu da illik normanın 22 faizini təşkil edir. Bakıda hazırda yağıntının miqdarı 57 millimetrdir ki, bu da aylıq normadan iki dəfə (217 faiz) çoxdur. Bununla yanaşı, Böyük və Kiçik Qafqazda da düşən yağıntı aylıq normadan iki-üç dəfə çoxdur. Nəticədə, 59 ildən sonra paytaxta yağan yağıntının miqdarında rekord qeydə alınıb".

Xidmət rəisi onu da qeyd edib ki, Bakıda və Abşeron yarımadasında ən güclü yağış 1966-cı ilin aprelin 23-də müşahidə olunub.