Pleyeri seçin:
Sosial əlaqələr ömrü uzadır? | Dostların heyrətamiz faydaları açıqlandı
Xəbərlərimizi Google-da izləyin
Yeniliklərdən dərhal xəbərdar olun
Dostların olması insan sağlamlığına əhəmiyyətli dərəcədə müsbət təsir göstərir.
Braziliyanın nüfuzlu San-Paulu Ürək İnstitutundan olan kardioloq Fabio Fernandes "Globo" nəşrinə müsahibəsində buna əminliyini ifadə edib.
Mütəxəssis müsahibədə sosial əlaqələrin heyrətamiz faydalarını açıqlayıb.
F.Fernandesin sözlərinə görə, dostluq ürək-damar xəstəliklərinin inkişaf riskini düz 50%-ə qədər azalda, həmçinin narahatlıq səviyyəsini də əhəmiyyətli dərəcədə aradan qaldıra bilər.
"Tənha insanlar daha tez-tez depressiyadan və alkoqolizmdən əziyyət çəkirlər. Bundan əlavə, çətin anlarda onların qayğısına qalacaq heç kim yoxdur", ‒ deyə kardioloq vurğulayıb.
F.Fernandes qeyd edib ki, hətta bir yaxşı dostun olması belə orqanizmdə stres hormonu olan kortizolun, həmçinin infarkt və insultun inkişafında əsas rol oynayan iltihablı zülalların səviyyəsini azaldır.
Kardioloq xəbərdarlıq edib ki, tənhalıq hissi olan insanların siqaret çəkmə riski əhəmiyyətli dərəcədə artır ki, bu pis vərdiş ürəyə və qan damarlarına bərpası mümkün olmayan ziyan vurur.
Kopyalandı
#Sosial əlaqələr teqi istifadə olunub
Seçilmişlər
