Sosial şəbəkədə yayılan görüntülərlə bağlı №1 Çörək Zavodundan açıqlama - Baku TV

Bir neçə gün əvvəl sosial şəbəkələrdə “№1 Çörək Zavodu”nun istehsal etdiyi paketlənmiş şirniyyat məhsulunun istifadə müddəti bitmədən kifləndiyi iddiasını əks etdirən görüntülər yayılmışdı.

Baku TV iddiaların nə dərəcədə həqiqəti əks etdirdiyini və məhsulların hansı şəraitdə hazırlandığını araşdırmaq məqsədilə müəssisədə olub.

Müəssisənin Keyfiyyətə nəzarət şöbəsinin rəhbəri Rəşad Mehdiyev bildirib ki, daxil olmuş məlumat əsasında araşdırma aparılıb:

“İstehsal prosesinin bütün mərhələləri, saxlama və daşınma şərtləri, eləcə də istifadə olunan xammal və materiallar ətraflı təhlil edilib. Aparılan araşdırmalar zamanı hər hansı uyğunsuzluq aşkar olunmayıb. Əlavə olaraq qeyd etmək istəyirəm ki, yayılan məlumatlarda yalnız bir məhsulda uyğunsuzluqdan bəhs olunur. Təəssüf ki, bəzi mənbələr bunu sanki “№1 Çörək Zavodu”nun bütün məhsullarında problem varmış kimi təqdim ediblər. Biz bunu qərəzli yanaşma hesab edir, təxribat və ya qarayaxma cəhdi kimi qiymətləndiririk”.