Su içməyin orqanizmə təsiri | Rusiyalı həkimdən vacib məsləhət

Səhər acqarına bir stəkan su içməyin həzmi yaxşılaşdıra biləcəyi fikri çox populyardır. Lakin əslində bu, həzmə heç bir təsir göstərmir, hətta onu çətinləşdirə bilər.

Bu barədə rusiyalı həkimlərdən biri “Gazeta.ru”ya danışıb.

Səhər içilən bir stəkan suyun həzm proseslərini aktivləşdirmək üçün katalizator rolunu oynadığı fikri orqanizmin təmizlənməsinin qədim ənənələrindən qaynaqlanır.

“Həzm funksiyası sadəcə maye qəbulu ilə məhdudlaşmır. O, qidanın mədəyə daxil olması ilə başlayır ki, bu da ağız suyunun və həzm fermentlərinin ifrazına səbəb olur. Əslində, bir stəkan su özlüyündə bu prosesə əhəmiyyətli təsir göstərə bilməz.

Şəxsən mən müşahidə etmişəm ki, bu tövsiyəyə əməl etməyə çalışan bəzi xəstələr bəzən qarında narahatlıq və ya ağırlıq hiss edirlər. Səhər yeməyindən əvvəl həddindən artıq su içmək hətta həzmi çətinləşdirə bilər”, – deyə həkim bildirib.

Onun sözlərinə görə, həzmi asanlaşdırmaq üçün mayeni yeməkdən əvvəl deyil, yemək zamanı içmək lazımdır. Hər insanın öz xüsusiyyətləri var və bunu nəzərə almaq vacibdir.