Suyu vedrəyə yığırıq, günü yola veririk | Su problemi sakinləri çətin vəziyyətdə qoydu

Son bir neçə gündə paytaxtın müəyyən ərazilərində suyun verilməməsi insanları çətin vəziyyətə salıb.

Hətta su qıtlığından əziyyət çəkən bəzi vətəndaşlar saçlarını məhəllələrdə yerləşən bulaqlarda yumaq məcburiyyətində qalıblar.

Baku TV problemin səbəbini öyrənmək üçün İri Şəhərlərin Birləşmiş Su Təchizatı Xidməti ilə əlaqə saxlayıb.

Qurumun Mətbuat Xidmətinin rəhbəri Ceyhun Musaoğlu bildirib ki, Oğuz-Qəbələ-Bakı su kəmərində baş verən qəza aradan qaldırılıb: “Hazırda ərazidə doldurma proseslərinə başlanılıb. Suyun əvvəlki rejimlə verilməsinin bərpası üçün intensiv işlər görülür”.