Pleyeri seçin:
Təhlükəsizlik kameralarından istifadə ilə bağlı tələblər nələrdir?
Xəbərlərimizi Google-da izləyin
Yeniliklərdən dərhal xəbərdar olun
Ölkədə mini gizli kameralardan istifadə qadağan olsa da, sosial şəbəkələrdə açıq satışı həyata keçirilir.
Belə ki, istədiyiniz növ gizli kameranı sifariş edirsiniz və ünvanınıza qədər çatdırılır.
Təhlükəsizlik üzrə ekspertlər deyirlər ki, belə gizli qurğulardan istifadə etmək şəxsi həyata icazəsiz müdaxilədir.
Bəs görəsən, bu avadanlıqların istifadəsi ilə bağlı qanunvericilikdə nələr nəzərdə tutulub?
“Cinayət Məcəlləsinin 233.1-ci maddəsi ilə gizli kameraların qanunsuz olaraq hazırlanması, əldə edilməsi, saxlanılması, daşınması, gəzdirilməsi, başqasına verilməsi və ya satılması cinayət məsuliyyətinə səbəb olur. Həmin maddənin sanksiyasında da 5 il müddətinə qədər azadlıqdan məhrum edilmə cəzası nəzərdə tutulur”, – hüquqşünas Emil Aslanov bildirib.
Qeyd edək ki, beynəlxalq təcrübədə gizli kameralardan ancaq dövlət orqanları tərəfindən, həmçinin xüsusi hallarda, məsələn, cinayətlərin yüksək həddə çatması fonunda istifadə olunur. “Üçüncü göz” adı ilə tanınan bu nəzarət sisteminə ingilis modeli də deyilir.
Kopyalandı
Seçilmişlər
