Təhsil sənədləri ilə bağlı dəyişikliklər edilir
“Təhsil haqqında sənədlər artıq həm elektron olaraq formalaşdırılacaq, həm də müvafiq qurumlarla elektron qaydada paylaşılacaq”.
Bunu Elm və Təhsil Nazirliyi nəzdində Təhsil Sisteminin İnformasiyalaşdırılması İdarəsinin rəisi Vüsal Xanlarov deyib.
O bildirib ki, qəbul edilmiş qərarlara uyğun olaraq, təhsil haqqında sənədlər, eləcə də təhsili bitirməyən vətəndaşlara verilən arayışlar tam hüquqi qüvvəyə malik olacaq və yalnız elektron formada təqdim ediləcək.
Vüsal Xanlarovun sözlərinə görə, vətəndaşlar istədikləri və ya zərurət yarandığı halda elektron hökumət informasiya sistemində yerləşən şəxsi kabinetlərindən bu sənədləri yükləyərək çap edə və paylaşa bilərlər. Həmçinin sənədlər elektron imza ilə təsdiq olunduğu üçün onların notarial qaydada təsdiqlənməsi də mümkün olacaq.
İdarə rəisi əlavə edib ki, bu qərarların nəticəsində cari ildən Azərbaycan vətəndaşlarına verilən attestatlar, diplomlar və sertifikatlar yalnız elektron qaydada təqdim ediləcək.
#Nazirlər Kabineti teqi istifadə olunub
- Nazirlər Kabineti, AHİK və ASK baş kollektiv sazişi imzalayacaq
- Nazirlər Kabinetinin Həmkarlar İttifaqları Konfederasiyası ilə tərəfdaşlığı
- Prezident İlham Əliyev fərman imzaladı
- “Qıtlıq olacaq, keyfiyyət yox...” | Taksi sayına qoyulan limit qiymətə təsir edəcək?
- Bu şəxslərin kommunal xərclərinin müəyyən hissəsini dövlət ödəyəcək
