Tələbələr bunu etməyə məcbur deyil | Universitetlərlə bağlı vacib məlumat

“İnnovasiya və Rəqəmsal İnkişaf Agentliyi ölkədə rəqəmsal hökumət quruculuğu üzrə operator vəzifəsini daşıyır”.

Bu sözləri İnnovasiya və Rəqəmsal İnkişaf Agentliyinin sədrinin müavini Rəşad Xalıqov jurnalistlərə açıqlamasında deyib.

Rəşad Xalıqov deyib ki, rəqəmsal hökumət quruculuğu çərçivəsində kağızsız hökumətə keçid üçün bır sıra silsilə layihələr icra olunur:

“Bu layihələrdən biri də Elm və Təhsil Nazirliyi və İnnovasiya və Rəqəmsal İnkişaf Agentliyinin birlikdə ali təhsil müəssisələrinə qeydiyyat zamanı tələbələrdən hansısa kağız daşıyıcının tələb edilməməsi üçündür. “portal.edu.az” platforması vasitəsilə tələbələr təhsilin müxtəlif pillələrinə qeydiyyat zamanı hər hansı sənəd hazırlamaq, eyni zamanda universitetlərə fiziki daşıyıcı da sənəd təqdim etmək məcburiyyətində deyillər. Müvafiq informasiyalar İnnovasiya və Rəqəmsal İnkişaf Agentliyi tərəfindən formalaşdırılmış “Digital Bridge” infrastruktur həlli vasitəsilə inteqrasiyalı şəkildə “portal.edu.az”a təmin edilir”.