Üç nəsil boyunca itki verən azərbaycanlı ailə

İsraillə HƏMAS arasında gedən döyüşlərdə Azərbaycan əsilli İsrail vətəndaşı serjant Lior Əzizov həlak olub.

Liorun babası Vahid Əzizov 1-ci Qarabağ müharibəsi şəhididir və o, Şəhidlər Xiyabanında dəfn olunub.

Qeyd edək ki, Liorun atası Timur Əzizov 2005-ci ildə İsraildə terror aktının qurbanı olub.

İsrailin Azərbaycandakı səfirliyi "X" hesabındakı paylaşımda da bildirib ki, bir ailə üç nəsil boyunca ağrı və itkilərə məruz qalıb. Həmçinin Liorun anası Natalinin oğlu ilə bağlı xatirəsi qeyd edilib.

Ana bildirib ki, həkim və rəssam olmaq istəyən övladı ağıllı, həssas uşaq idi: “Onunla ilk söhbətimiz şənbə günü, müharibənin ilk günündə oldu. Dedi ki, burada atışma gedir, amma yaxşıyam, narahat olma. Ana, yenə zəng edəcəyəm, söz verirəm və səni sevirəm”.

“Bu ondan gələn son zəng oldu. Liorun və Əzizovlar ailəsinin həyatdan köçmüş digər üzvlərinin ruhları şad olsun”, – deyə səfirliyin paylaşımında bildirilib.