Uşaq evindən küçə həyatına düşdü, 10 il həbs yatdı | Əri niyə üzünü gizlədir? - ARZUNUN VAXTI

“Arzunun vaxtı” verilişinin budəfəki qəhrəmanları Səringül və Ceyhun cütlüyü olub.

10 il həbs həyatı yaşayan keçmiş məhkum Səringül Ramazanova verilişdə cəzaçəkmə müəssisəsinə necə düşməsindən, eləcə də həyatındakı digər çətinliklərdən söz açıb.

O, uşaq evində böyüdüyünü, erkən yaşda atasını itirdiyini, anasının isə ona sahib çıxmadığını söyləyib.

“20 yaşımda həbsxanaya düşdüm. Səbəb isə o idi ki, restoranda ofisiant işləyəndə içkili bir müştəri hesabı istədiyim üçün məni təhqir etdi. Bunu dəfələrlə təkrar edəndə bıçaqla boğazına zərbə endirdim. Sonra da köynəyimlə boğazını sarıyıb təcili yardıma zəng etdim. Amma 3 gün sonra dünyasını dəyişdi”, ‒ deyə gənc qadın bildirib.

Səringülün həyat yoldaşı Ceyhun isə onun həyatını necə xilas etməsindən danışıb: “Səringül özünə qəsd etmək istəyəndə onu xilas etdim, sonra da hotelə yerləşdirdim. Niyyətimin pis olmadığını, sadəcə, kömək etmək istədiyimi söylədim. Daha sonra dini nikahla evləndik, onu sevməyə başladım. Ailəm bu izdivaca razı olmasa da, Səringülü heç vaxt tərk etməyəcəyəm”.