Uşaq ölümlərinin sayı niyə artır? | Statistika açıqlandı

Ölkədə körpə ölümlərinin sayı artır.

Dövlət Statistika Komitəsindən verilən məlumata görə, 2022-ci ildə 1 yaşınadək həyatını itirən uşaqların sayı 959 nəfər idisə, 2023-cü ildə bu rəqəm 2 dəfədən çox artaraq 2 039 nəfər təşkil edib.

Bu da son 25 ilin ən yüksək göstəricisi hesab olunur. 2023-cü ildə 1 yaşınadək ölənlərin 1 146-sı oğlan, 893-ü isə qız uşaqlarıdır.

Dövlət Statistika Komitəsinin sözçüsü Tünzalə Qarayeva bildirib ki, onlardan 47-si bəzi infeksion və parazitar, 88-i sinir sistemi, 187-si tənəffüs sistemi, 18-i həzm sistemi, 1287-si perinatal dövrdə bəzi hallardan, 136-sı anadangəlmə anemiyalardan, inkişaf qüsurları, deformasiyaları və xromoson pozuntulardan, 17-si travma, zəhərlənmələr və xarici təsirlərdən, 259-u isə digər səbəblərdən olub. Statistik rəqəmlərdən də göründüyü kimi, ölüm halları daha çox perinatal dövrə təsadüf edib.

Bəs bu dövrdə ölüm göstəricisinin yüksək olmasının səbəbi nədir?