Uşaq sığınacağında qızılca təhlükəsi | Son vəziyyətlə bağlı açıqlama

Azərbaycan Uşaqları İctimai Birliyinin Bakıda yerləşən sığınacağında qalan 40 uşaq qızılcaya yoluxub.

Bunu Baku TV-yə açıqlamasında təşkilatın sədri Kəmalə Ağazadə deyib.

O qeyd edib ki, həmin uşaqlardan 20-si xəstəxanaya yerləşdirilib:

“Təxminən 3 həftə ərzində 40-a yaxın uşaq qızılcaya yoluxub. Onlardan 10 nəfərdən çoxu peyvənd olunduğuna görə xəstəliyi yüngül formada keçirir. Vəziyyəti ağır olan uşaqlar isə heç vaxt vaksin vurdurmayıblar”.

K.Ağazadə bildirib ki, qızılcaya yoluxan uşaqların əksəriyyəti 5 yaşadək olan körpələrdir.