Uzaq səfərlərinizin ən yaxşı yol yoldaşı: SERES M9 təqdim edildi

Uzaq səfərlərinizin ən yaxşı yol yoldaşı SERES M9 modelinin təqdimat gecəsi keçirilib.

Mərasimdə avtomobil həvəskarları ilə yanaşı, tanınmış simalar və biznesmenlər iştirak ediblər.

“VOLT AVTO”nun həmtəsisçisi və icraçı direktoru Emin Əsgərov ən son innovativ texnologiyaların vəhdəti olan yeni model haqqında geniş məlumat verib.

Azərbaycana idxal olunacaq 42 və 52 kVt/saatlıq akkumulyatorla və ya tam elektrik versiyalarında SERES M9 modeli komplektasiyalarından asılı olaraq 496 və 530 at gücünə malikdir. Avtomobilin 100 km/saat sürət yığması hibriddə 4,9 saniyəyə, elektrikdə isə 4,3 saniyəyə baş tutur.

Təbii dəri interyer, ən qabaqcıl ağıllı sürücülük sistemləri, ən müasir təhlükəsizlik xüsusiyyətləri, müxtəlif yol şəraitində hamar idarəetməni təmin edən adaptiv pnevmatik asqı, ardıcıl hibrid olması kimi xüsusiyyətlər isə sizin komfortunuz və eleqant hiss etməyiniz üçündür.

Qeyd edək ki, rəsmi idxalçıdan avtomobilə 5 il və ya 100 000 kilometr, batareyaya və elektrik avadanlığa isə 8 il və ya 160 000 kilometr zəmanət verilir.