Uzunömürlü olmaq üçün bu qidalardan istifadə edin! | Mütəxəssislərdən mühüm açıqlama

Bir çox faktorlar, xüsusilə stres, sıx iş saatları, pis qidalanma və genetika ömür müddətini qısalda bilər.

Ancaq yüksək gəlir səviyyəsi və stres idarəçiliyi olan ölkələrdə bu vəziyyət əksinə olur. Aralıq dənizi tərzi qidalanma və müntəzəm məşq vərdişlərinin də ömrün uzadılmasına müsbət təsirləri məlumdur.

Monako ən yüksək ömür uzunluğuna malik region kimi seçilir. Orta ömür uzunluğu təxminən 89 ildir. Müasir xəstəxanalar və yaxşı təchiz olunmuş səhiyyə infrastrukturu yaşlı insanların daha uzun yaşamasına imkan verir.

Yaponiya da dünyanın ən uzunömürlü ölkələrindən biridir. Orta ömür uzunluğu 84 ildir. Yaponlar əsasən tərəvəz, balıq, dəniz məhsulları və düyü kimi sağlam qidalar yeyirlər. Xüsusilə balıq istehlakı ürək xəstəlikləri və bəzi xərçəng növləri riskini azaldır.

Siyahıda 3-cü olan İsveçrədə orta ömür uzunluğu 83 ildir. İsveçrəlilər mütəmadi olaraq idman edir və fəstfuddan uzaq dururlar. İsveçrənin təmiz havası və təbii gözəlliyi də uzunömürlülüyü təmin edir.

Sinqapurda orta ömür uzunluğu təxminən 83 ildir. Sinqapurlular təzə tərəvəzlər, dəniz məhsulları və az yağlı zülallardan ibarət sağlam pəhrizə riayət edirlər. Asiya mətbəxində geniş yayılmış bu pəhriz ürək xəstəlikləri riskini azaldır.

İspaniyada orta ömür uzunluğu 83 ildir. Ölkədə geniş yayılmış Aralıq dənizi pəhrizinə zeytun yağı, balıq, tərəvəz və meyvələrlə zənginləşdirilmiş qidalara xüsusi diqqət yetirilir. Bu, ürək və diabet kimi xroniki xəstəliklərin qarşısını alır.