NATO qoşunları hərəkətə keçir? - Ukraynalı ekspertdən sensasiyalı açıqlama

“NATO-nun 170 minlik hərbi kontingenti Ukraynaya daxil olacaq. Bir neçə min hərbçi isə Ermənistandan olacaq”.

Belə bir iddia ilə ukraynalı ekspert Dmitri Qordon “YouTube” kanalında yayımlanan proqramında çıxış edib.

Dmitri Qordon açıqlamasında vurğulayıb ki, NATO qoşunlarının Ukraynaya daxil olması prosesini mütləq həyata keçirəcək:

“Necə deyərlər, 40 min yox, 150 min, hətta 170 min hərbçi Ukrayna ərazisinə daxil olub, təmas xəttinə yerləşdiriləcək. Ancaq bu, yalnız müqavilə bağlanandan sonra baş tutacaq. Onlar Fransadan olacaq. Bu əməliyyatın təşəbbüskarı Prezident Emmanuel Makrondur. Həmçinin Böyük Britaniya, Polşa, Latviya, Litva, Estoniya, Hollandiya, Norveç, Danimarka, İsveç və Finlandiyadan hərbçilər cəlb ediləcək.

Ermənistanın da iştirakı istisna edilmir, çünki Prezident E.Makron artıq Nikol Paşinyana müraciət edib və müsbət cavab alıb. Mən “dəhşətli sirr”i açıram, Ermənistandan bir neçə min əsgərin gələcəyi istisna edilmir”, – deyə ekspert bildirib.

Ermənistan mətbuatında yayımlanan məlumatlarda isə ekspertin iddialarının əsassız olduğu vurğulanır.