Cəmiyyət
Pleyeri seçin:
Vasif Talıbovun qızı "Naxçıvan Bank"dan çıxarıldı
“Naxçıvan Bank”ın Müşahidə Şurası yenidən formalaşdırılıb.
Belə ki, indiyə qədər Müşahidə Şurasına sədrlik edən Əsədulla İsgəndərov vəzifəsindən azad edilib, onun yerinə Binnət Novruzov təyin olunub. Keçmiş sədr bundan sonra Şuranın üzvü kimi fəaliyyət göstərək, onunla birlikdə Şurada həm də Rüfət Məmmədov üzv kimi təmsil olunacaq.
Bundan başqa, indiyə qədər Şuranın üzvləri olan Naxçıvan Muxtra Respublikası Ali Məclisinin keçmiş sədri Vasif Talıbovun qızı Baharxanım Talıbova və Rifat Mahmudov da vəzifələrindən azad ediliblər.
Xatırladaq ki, “Naxçıvan Bank” 2008-ci ildə yaradılıb, ölkənin yeganə regional bankıdır. Onun nizamnamə kapitalı 94 milyon manatdır. Bankın səhmdarları adları açıqlanmayan 4 fiziki şəxsdir.
Kopyalandı
Seçilmişlər
