Cəmiyyət
Pleyeri seçin:
Xaçatryana verilən həbs cəzası dəyişdirildi?
Qanunsuz erməni silahlı birləşmələrinin tərkibində Xocalı rayonunun Meşəli kəndində soyqırımı törətməkdə təqsirli bilinən Vaqif Xaçatryan barəsində Bakı Hərbi məhkəməsinin hökmündən verilmiş appelyasiya şikayətinə baxılıb.
Dövlət ittihamçısı Vaqif Xaçatryanla bağlı birinci instansiyanın hökmünün dəyişdirilməsinə hər hansı əsasın olmadığını bildirib.
Bakı Apellyasiya Məhkəməsində Hakim Həsən Əhmədovun sədrliyi ilə keçirilən sonuncu prossesdə qərar elan edilib. Qərara əsasən, Vaqif Xaçatryan və onun müdafiəçisinin şikayəti təmin edilməyərək, birinci instansiya məhkəməsinin hökmü qüvvədə saxlanılıb.
Qeyd edək ki, Xaçatryan Vaqif Çerkezoviç 1992-ci ilin dekabrında erməni milliyyətindən olan digər şəxslərlə birgə Xocalı rayonunun Meşəli kəndində yaşamış dinc azərbaycanlıların soyqırımında və digər ağır cinayətlərdə təqsirləndirilir. O, Bakı Hərbi Məhkəməsinin hökmü ilə verilmiş ittihamlarla təqsirli bilinərək 15 il azadlıqdan məhrum edilib.
Kopyalandı
Seçilmişlər
