Xaçmazda Tibb İşçilərinin Peşə Bayramı Günü ilə bağlı tədbir | Səhiyyə işçilərinə hədiyyələr verildi

Xaçmazda Tibb İşçilərinin Peşə Bayramı Günü münasibətilə tədbir keçirilib.

Mərasimdə Rayon İcra Hakimiyyətinin başçısı, Yeni Azərbaycan Partiyasının rəsmiləri, yerli hüquq-mühafizə orqanları, idarə, müəssisə rəhbərləri və tibb işçiləri iştirak ediblər.

Xaçmaz Rayon İcra Hakimiyyətinin başçısı Elnur Rzayev tibb işçilərini peşə bayramı münasibətilə təbrik edərək şərəfli işlərində onlara uğurlar arzulayıb.

Qeyd edib ki, səhiyyə sisteminin inkişafı, bu sahənin maddi-texniki bazasının gücləndirilməsi və kadr potensialının artırılması hazırda dövlət siyasətinin əsasını təşkil edir.

Digər çıxış edənlər də tibb işçilərini təbrik edib, insanların sağlamlığının qorunması istiqamətində səmərəli fəaliyyətlərində onlara uğurlar arzulayıblar.

Sonda bir qrup qabaqcıl tibb işçisinə fəxri fərman və xatirə hədiyyələri təqdim olunub.