Xaçmazın icra başçısı görülən işlər barədə geniş məlumat verib - Baku TV

Xaçmaz rayonunda 2025-ci ilin sosial-iqtisadi inkişafının yekunları və qarşıda duran vəzifələrə dair hesabat yığıncağı keçirilib.

İclasda Rayon İcra Hakimiyyətinin başçısı Elnur Rzayev, Prezident Administrasiyasının sektor müdiri Habil Əzənmədov, millət vəkilləri, yerli qurumların rəhbərləri, şəhid ailələri, qazilər və ictimaiyyət nümayəndələri iştirak ediblər.

Heydər Əliyev Mərkəzində keçirilən tədbirdə il ərzində rayonda görülən işlər və həyata keçirilən sosial layihələrə dair videoçarx nümayiş olunub.

Hesabat məruzəsi ilə çıxış edən icra başçısı Elnur Rzayev təməli Ümummilli Lider Heydər Əliyev tərəfindən qoyulan və bu gün ölkə Prezidenti İlham Əliyev tərəfindən uğurla davam etdirilən inkişaf strategiyası çərçivəsində qazanılan nailiyyətlərdən danışıb.

O, ötən il ölkəmizin, eləcə də rayonun sosial-iqtisadi və ictimai-siyasi həyatında baş verən mühüm hadisələr, kənd təsərrüfatı, turizm və digər sahələrdə görülən işlər, həyata keçirilən respublika əhəmiyyətli tədbirlər barədə geniş məlumat verib.

Çıxış edənlər rayonda sosial infrastrukturun yenilənməsi, yeni iş yerlərinin açılması və digər istiqamətlərdə həyata keçirilən layihələri yüksək qiymətləndiriblər.

Hesabat yığıncağında qərar layihəsi qəbul olunub, xaçmazlılar adından Prezident İlham Əliyevə ünvanlanan müraciətin mətni oxunub.