Xalq şairi Sabir Rüstəmxanlının 80 illiyinə həsr olunmuş yubiley gecəsi - Baku TV

İyunun 23-də Xətai rayonunda yerləşən Heydər Əliyev adına istirahət parkının amfiteatr səhnəsində Xalq şairi, yazıçı və ictimai xadim Sabir Rüstəmxanlınin 80 illik yubileyinə həsr olunmuş təntənəli tədbir keçirilib.

Yubiley mərasimində Xətai Rayon İcra Hakimiyyətinin başçısı Rafiq Quliyev, Milli Məclisin deputatları, tanınmış ədəbiyyat və mədəniyyət xadimləri, eləcə də rayon sakinləri iştirak ediblər.

Tədbir çərçivəsində Azərbaycan Yazıçılar Birliyinin katibi İlqar Fəhmi Sabir Rüstəmxanlının yaradıcılığı və ictimai fəaliyyəti barədə fikirlərini Baku TV ilə bölüşüb.

O bildirib ki, Sabir Rüstəmxanlının Azərbaycan cəmiyyətində xüsusi hörməti var və onun yaradıcılığı son 50 ilin ədəbiyyatında mühüm yer tutur:

“Azərbaycanın Milli Azadlıq Hərəkatında onun özünün də, şeirlərinin də rolu böyükdür. Xalqımız belə xidmətləri heç vaxt unutmur. Mən ümid edirəm ki, onun 90, 100 illiyini ölkəmizdə yüksək səviyyədə qeyd edəcəyik”.