Xatirə İslam Aygün Bəylərdən danışdı, məşhurları yıxıb-sürüdü

"Neçə gündür özümə gələ bilmirəm. Allah sənət dostlarımıza rəhmət eləsin. Hamımız bu dünyada qonağıq, bir gün hamı ölümü dadacaq. Heç kim bu dünyanı tutub qalmayacaq".

Bunu öz sosial şəbəkə hesabında müğənni Xatirə İslam yazıb.

O, sənət dostlarına səslənərək dünyasını dəyişən tanınmışların xəstə halda çəkilən fotosunu paylaşanları tənqid edib:

"Bir də məşhurlardan bir xahişim olacaq: kimsə xəstə olanda hansısa sənətkarla şəkil çəkdirirsə, dünyasını dəyişən kimi həmin fotonu paylaşıb, yazır ki, Allah rəhmət eləsin. Sizin həmin məşhurla sağlam vaxtı çəkilən fotonuz yoxdur? Bununla onu demək istəyirsiniz ki, yəni xəstə olanda baş çəkənlərdən olmusunuz? Axı gözəl bilirsiniz ki, bütün xəbər səhifələri həmin fotonu paylaşacaq.

Bunu etməyin, sənətkar ən gözəl rəsmləri, gülən fotoları ilə yadda qalsın. Əgər lazım olsaydı, hansı halda olduğunu efirə çıxıb göstərərdi. Hamıdan qaçıb o halını gizlədirsə, ən sonuncu halını paylaşmayın. Başa düşürəm, o foto çox baxış və reytinq verir. Amma bu gün hamı üçün var".