Pleyeri seçin:
Xəstəxanada yayılan görüntülərlə bağlı qurumdan açıqlama - Baku TV
Nərimanov Tibb Mərkəzinin, əvvəlki adı ilə 6 saylı Uşaq Klinik Xəstəxanasının sanitar qovşağında çəkildiyi iddia olunan görüntülər sosial şəbəkələrdə yayılıb.
Görüntülərdə sanitar qovşağın vəziyyəti ilə bağlı diqqətçəkən mənzərə əks olunub. Belə ki, avadanlıqların köhnə vəziyyətdə olduğu, divar və döşəmənin çirkli və zədələnmiş göründüyü, həmçinin döşəməyə çirkli suya bənzər mayenin yayıldığı müşahidə olunur.
Məsələ ilə bağlı Tibbi Ərazi Bölmələrini İdarəetmə Birliyindən (TƏBİB) münasibət bildirilib. Qeyd olunub ki, sözügedən tibb müəssisəsi köhnə binada fəaliyyət göstərir. Sosial şəbəkələrdə yayılan görüntülərdə əks olunan hissə isə hazırda istifadə edilmir və xəstəxananın fəaliyyət zonasına daxil deyil.
Bildirilib ki, həmin ərazidən tibb personalı, həkimlər və pasiyentlər istifadə etmirlər.
Kopyalandı
Seçilmişlər
