Yanğından necə xilas olmaq mümkündür? | Riskləri azaltmağın yolları açıqlandı

Yatanda otağın qapısını açıq qoyursunuz? Əgər elədirsə, nunun nə qədər təhlükəli olduğunu bilmirsiniz.

Amerikalı tədqiqatçılar yuxu zamanı qapını bağlamağı şiddətlə tövsiyə edirlər, çünki bu, fövqəladə hallarda, xüsusilə yanğın zamanı riski əhəmiyyətli dərəcədə azaldır.

Yanğın zamanı qapını bağlamaq niyə vacibdir? Çünki bu, alov və tüstünün yayılmasını ləngidir. Otaqda oksigen qalır və temperatur sürətlə yüksəlmir. Beləliklə, insana evakuasiya üçün daha çox vaxt qazandırır. Qapı açıq qalanda isə yanğının yayılması sürətlənir.

Son illərdə insanlar yanğın zamanı xilas olmaq üçün cəmi 3 dəqiqə vaxt əldə edirlər. 10 il əvvəl bu göstərici daha yüksək idi. Səbəb isə inşaat və mebel materiallarında plastik, sintetik maddələrin artmasıdır. Bu materiallar asanlıqla alışır və alovun sürətlə yayılmasına səbəb olur.

Alimlərin tövsiyə edirlər ki, hər gecə yatmazdan əvvəl qapını bağlamağı vərdiş halına gətirin. Evdə tüstü detektorları quraşdırın. Fövqəladə hallar üçün evakuasiya planı hazırlayın və ailənizlə bölüşün.