Yaradıcı ruhlu tələbələrin bir-birindən maraqlı əsərləri nümayiş edildi - Baku TV

Bakıda SABAH İncəsənət Festivalı keçirilir.

Festival çərçivəsində Azərbaycan Dövlət Rəssamlıq Akademiyası, Azərbaycan Dövlət Mədəniyyət və İncəsənət Universiteti və Bakı Musiqi Akademiyasının tələbələri öz təhsilləri boyunca əldə etdikləri nailiyyətləri nümayiş etdirirlər.

SABAH İncəsənət Festivalının açılışı Müasir İncəsənət Muzeyində baş tutub. Sərgidə müxtəlif istiqamətləri əhatə edən rəngarəng və fərqli kompozisiyalar təqdim olunur.

Xalq rəssamı, Rəssamlıq Akademiyasının rektoru Natiq Əliyev festival barədə təəssüratlarını bölüşüb.

O bildirib ki, SABAH qruplarına ən istedadlı tələbələr seçilir, eyni zamanda müəllimlər də müsabiqə əsasında müəyyənləşdirilir. Burada həm diplom, həm də kurs işləri, eləcə də moda üzrə layihələr nümayiş olunur.

“Burada gördüyünüz bu iş dizayn ixtisası üzrə tələbənin diplom işidir. Çox yüksək səviyyədə hazırlanıb və biz bu işi 100 balla qiymətləndirdik. Qeyd edim ki, 100 bal hər tələbəyə verilmir”, – deyə o vurğulayıb.