Yaxın günlərin hava şəraiti açıqlandı | Milli Hidrometeorologiya Xidməti

Avqustun 14-ü gündüz əsasən dağlıq ərazilərdə, 15-dən 16-sı axşamadək isə əksər rayonlarda yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi ehtimal olunur. Mülayim şərq küləyi əsəcək.

Bu barədə Milli Hidrometeorologiya Xidmətindən məlumat verilib.

Bildirilib ki, gözlənilən yağıntılarla əlaqədar çaylarda sululuğun artacağı, Böyük və Kiçik Qafqazın, eləcə də Lənkəran-Astara bölgəsinin bəzi çaylarından qısamüddətli daşqın və sel keçəcəyi ehtimal olunur.

Bakıda və Abşeron yarımadasında da avqustun 14-də hava şəraiti əsasən yağmursuz olacaq, mülayim şimal-şərq küləyi əsəcək. Havanın maksimal temperaturu 30-35 dərəcə isti olacaq.