Yeni qanun layihəsində məhdudiyyət var? | Kazino turizmi “Şahdağ” və Naxçıvanda da...

“Qadağalarla bir çox məsələləri həll etmək mümkün deyil. Azərbaycanlılar kazinolarda oynamaq üçün xarici ölkələrə üz tuturlar. Ona görə də ölkəmizin turizm mərkəzlərində kazinoların açılmasına ehtiyac var”.

Bu fikirləri Milli Məclisin deputatı Qüdrət Həsənquliyev səsləndirib.

“Hazırda biz yalnız süni torpaq sahələrində kazinoların fəaliyyətinə icazə veririk. Belə bir sahə də yalnız “Sea Breeze”də mövcuddur. Ötən dəfə Naxçıvanla bağlı fikirlərimi bildirdim. Məsələn, niyə Batabatda kazino açılmasın? Türkiyədən, İrandan gələn turistlər istəsələr, orada niyə istirahətlərini keçirməsinlər?

Eyni imkanları “Şahdağ” Turizm Mərkəzində də yaratmaq mümkündür. Hər il dövlət büdcəsindən ora 12 milyon manatdan çox vəsait ayrılır. Bu, hər birimizi düşündürməlidir. Elə deyilmi, bir kazino da orada fəaliyyət göstərə bilər. Turistlər bundan istifadə edə bilərlər”, – deputat əlavə edib.