Pleyeri seçin:
Yenilənən və gözəlləşən Zabux kəndində hansı işlər görülüb? - Baku TV
Xəbərlərimizi Google-da izləyin
Yeniliklərdən dərhal xəbərdar olun
“Böyük Qayıdış I Dövlət Proqramı” çərçivəsində Zabux kəndində ilkin mərhələdə 223 fərdi evdən ibarət, müasir tələblərə cavab verən yeni yaşayış məntəqəsi inşa olunub. Kənddə 176 yerlik tam orta məktəb, 50 yerlik uşaq bağçası, bir tibb məntəqəsi, bir inzibati bina, eləcə də iki park və abadlıq zonaları qurulub”.
Bu barədə “Laçın rayonunda Bərpa, Tikinti və İdarəetmə Xidməti” publik hüquqi şəxsin İctimaiyyətlə əlaqələr şöbəsinin əməkdaşı Yeganə Quliyeva məlumat verib.
O bildirib ki, kənddaxili yol infrastrukturu çəkilib, su, qaz, elektrik xətti və yüksəksürətli fiber-optik internet şəbəkəsi istifadəyə verilib. Bundan əlavə, əhalinin içməli su tələbatını ödəmək üçün bir su anbarı və bulaq yenidən tikilib, çirkab suların təmizlənməsi üçün isə müasir qurğular quraşdırılıb.
Yeganə Quliyeva əlavə edib ki, bütün fərdi evlər və sosial obyektlərin üzərində günəş panelləri quraşdırılıb.
“Bu günə qədər Laçın şəhəri və ətraf kəndlər, o cümlədən Zabux, Sus və Bəylik yaşayış məntəqələrinə ümumilikdə 979 ailə – 3 665 nəfər daimi məskunlaşdırılıb. Zabux kəndində isə ümumi sahəsi 81 hektar olan ərazidə 217 ailə – 823 nəfər sakin üçün rahat və tam təhlükəsiz yaşayış şəraiti yaradılıb”, – deyə o bildirib.
Kopyalandı
Seçilmişlər
