Yer və Marsa oxşar olan... | Elm adamlarını təəccübləndirən kosmik tapıntı

Astronomlar müəmmalı kosmik uyğunsuzluğu – kiçik bir ulduzun ətrafında fırlanan nəhəng planeti müşahidə ediblər. Maraqlıdır ki, bu kəşf planetlərin necə əmələ gəlməsi ilə bağlı mövcud anlayışa ziddir.

Kiçik ulduz Günəşin kütləsinin yalnız beşdəbiri qədərdir. Bu böyüklükdə ulduzlar planetlərin formalaşması ilə bağlı aparıcı nəzəriyyələrə əsasən, Yer və Marsa oxşayan kiçik planetlərə ev sahibliyi etməlidir. Lakin bu ulduzun ətrafındakı orbitdə aşkar edilən obyekt daha böyükdür.

“TOI-6894” adlı ulduz Yerdən təxminən 240 işıq ili uzaqlıqda, Şir bürcündə yerləşir. Onun diametri Saturndan bir qədər böyük və Yupiterdən isə azacıq kiçikdir.

Planet öz ulduzuna Yerin Günəşə olduğundan təxminən 40 dəfə yaxın məsafədə yerləşir və orbitini təxminən üç günə tamamlayır. Onun ulduza yaxınlığı planetin səthinin kifayət qədər isti olduğunu göstərir.

Tədqiqatçılar “James Webb” kosmik teleskopundan istifadə edərək planetin tərkibini daha yaxşı öyrənməyi planlaşdırırlar.