Bu qalaktikadakı qırmızı nəhənglər məhv olur? | Alimlər araşdırmanın nəticələrini açıqladı

Harvard-Smitson İnstitunun Astrofizika Mərkəzinin alimləri 44 ulduz aşkarlayıb.

Ulduzlar Yerdən 6,5 milyard işıq ili uzaqlıqda yerləşən qalaktikadadır. Bu, “James Webb” teleskopunun zəif işığı və qravitasiya linzalanma fenomenini aşkar etmək üçün unikal qabiliyyəti sayəsində mümkün olub.

Ulduzlar Abell 370 nəhəng qalaktika klasterinin arxasında yerləşən “Əjdaha qövsü” adlı qalaktikada tapılıb. Çoxluğun cazibə qüvvəsi uzaq obyektlərin işığını bükür və qalaktikanı güzgü dəhlizinə bənzəyən uzunsov formaya çevirir.

Əvvəllər “Hubble” teleskopundan istifadə edən astronomlar belə uzaq qalaktikalarda yalnız yeddi ulduzu ayırd edə bilirdilər. Bununla belə, “Webb” teleskopunun güclü imkanları onlarla ulduzu müşahidə etmək imkanı açıb.

Aşkar edilən ulduzların əksəriyyəti qırmızı nəhənglər – həyatlarının son mərhələsində olan ulduzlardır. Bu ulduzlar əvvəllər tapılmış mavi super nəhənglərdən fərqlidirlər, onlar teleskopun daha aşağı temperaturlu ulduzları aşkar etməyə imkan verən infraqırmızı şüalara həssaslığı sayəsində seçiliblər.

Belə sayda ulduzun kəşfi elm adamlarına təkcə qalaktikaların təkamülünü öyrənməyə deyil, həm də Kainatın ən böyük sirlərindən birini – qaranlıq materiyanı araşdırmağa imkan verir.

Alimlər “James Webb” teleskopundan istifadə edərək digər qalaktikaların müşahidəsini də davam etdirməyi planlaşdırırlar. Bu tədqiqatlar Kainatda yüzlərlə yeni ulduzun kəşfinə səbəb ola bilər, həmçinin qalaktikaların əmələ gəlməsi prosesi aydınlaşar.