Yol polisindən sükan arxasına yorğun halda əyləşən sürücülərə çağırış
Gün ərzində fasiləsiz yük və sərnişin daşıyan nəqliyyat vasitələrinin sürücülərinin yollarda hərəkəti təhlükəlidir. Uzun müddət sükan arxasında olmaq yorğunluq yaradır, diqqəti zəiflədir və reaksiya vaxtını azaldır. Bu isə qəza ehtimalını kəskin şəkildə artırır.
Bu barədə Daxili İşlər Nazirliyi məlumat yayıb.
Bildirilib ki, belə halda nəqliyyat vasitəsinin idarə edilməsi həm sürücünün, həm daşıdığı sərnişinlərin, həm də digər yol hərəkəti iştirakçılarının həyat və sağlamlığı üçün birbaşa təhlükəyə çevrilir.
Baş Dövlət Yol Polisi İdarəsi (BDYPİ) sürücülərin diqqətinə çatdırır ki, yorğun və yuxusuz halda sükan arxasına əyləşmək, sürət həddini aşmaq, zolaq dəyişərkən ehtiyatsız davranmaq və sükan arxasında diqqəti yayındıran hərəkətlərə yol vermək ağır nəticələrə gətirib çıxarır.
Unutmaq olmaz ki, sükan arxasında verilən hər səhv qərarın arxasında insan həyatı dayanır. Hər bir sürücü istirahətini vaxtında etməli, diqqətini yalnız yola yönəltməli və nəqliyyat axınında təhlükə yarada biləcək davranışlardan çəkinməlidir.
BDYPİ bütün sürücüləri yollarda məsuliyyətli olmağa və qaydalara əməl etməyə çağırır.
#Baş Dövlət Yol Polisi İdarəsi teqi istifadə olunub
- DYP hava ilə bağlı sürücülərə xəbərdarlıq etdi - Baku TV
- Yanvarın 19-na olan hava proqnozu açıqlanıb | Hava haqqında məlumat - Baku TV
- Ehtiyatlı olun, hava kəskin pisləşir | Hava ilə bağlı xəbərdarlıq - Baku TV
- Bu səhvi edənlər faciə ilə üzləşə bilər | Sürücülərin nəzərinə - Baku TV
- DYP hava ilə bağlı sürücülərə çağırış etdi - Baku TV
