Cəmiyyət
Pleyeri seçin:
Zaqatala meşələrində itkin düşən iki nəfər danışdı
Zaqatalada şəlaləyə gedərkən itkin düşən Bakı şəhər sakinləri tapılaraq xilas ediliblər.
Əli Əlizadə və Əbdül Rzayev rayonun Qəbizdərə kəndi istiqamətində dağlıq-meşəlik ərazidə yollarını azıblar.
Onlar bildiriblər ki, iki dost Zaqatalaya səyahət məqsədilə gedib: “Çay ilə hərəkət edərkən dərədə çıxılmaz vəziyyətdə olduğumuzu hiss etdik”.
Dostlar azdıqlarını anladıqda polisə, dağ bələdçilərinə və Fövqəladə Hallar Nazirliyinə zəng edib, bu barədə məlumat veriblər. Uzun sürən axtarışlardan sonra rayona gələn qonaqlar sıx meşəlik ərazidən tapılıblar.
Onlara TƏBİB-in tabeliyindəki Zaqatala Rayon Mərkəzi Xəstəxanasının Təcili yardım şöbəsində zəruri tibbi yardım göstərilib. Hazırda vəziyyətlərinin normal olduğu bildirilir.
Kopyalandı
Seçilmişlər